Тергыме 40 клуб гыч 8-ыже 23 шагат деч варат пашам ыштен
Республикыштына тергыме 40 клуб гыч 8-ыже 23 шагат деч варат пашам ыштен. Республикыштына общепит да каныме вер- влаклан пандемийлан кӧра 23 шагат деч вара пашам ышташ чарыме. Но тиде кӱштымашым чыланат огыт шукто, коеш. 18-ше гыч 20-шо декабрь марте Роспотребнадзор виктем ден Росгвардийын специалистышт тидын шотышто рейдым эртареныт. Нылле организацийыш мийымеке, 8-ыштыже кӱштымашым пудыртымым рашемдыме. Йодмашым шуктыдымо должностной еҥ- влак 10 гыч 50 тӱжем теҥге марте, юрлица-шамыч 100 гыч 300 тӱжем теҥге марте штрафым тӱлышаш улыт.
