Йошкар-Оласе икымше номеран школышко миным пыштыме нерген увер пурен

Йошкар-Оласе икымше номеран школышко миным пыштыме нерген увер пурен
            Йошкар-Оласе икымше номеран школышто тунемше, туныктышышт, ача-ава- влакын эн волгыдо да куанле кечыштым миным пыштыме нерген увер шӱлыкаҥден. Школышто шинчымаш кече тӧнежым мине шотышто тергымаш гыч тӱҥалын. Лӱдыкшӧ нерген аноним серыш гоч увертареныт. Тидлан кӧра торжественный линейка- влакым икмыняр шагатлан кусарыме, школ гыч чыла еҥым писын гына эвакуироватленыт. Тӧнежым кинолог- влак пий дене тергеныт, силовой структурын сотрудникышт толыныт. Юмылан тау, минироватлыме нерген увер шоя улмаш,- рашемда оласе туныктыш виктем. Ӱдыр-рвезе, ача-аваштын мутышт почеш, пайрем кумылым тыгай тургажланжарыше увер, мутат уке, шӱлыкаҥден, тургыжланаш, ойгаҥаш таратен.
              Фото: источник photogenica, автор alphaspirit

Прошлые выпуски