Йошкар-Оласе Туруново шӱгарлаште «Герой- влакын аллейыштым» тӱзландарат
Йошкар-Оласе Туруново шӱгарлаште «Герой- влакын аллейыштым» тӱзландарат. Тидын нерген ола мэрын сомылжым шуктышо Антон Трудинов увертарен. Тиде кумдыкышто тӱҥ корным да савырныме площадкым асфальт дене леведыт, тошто саварым у дене вашталтат, шӱгар- влакым шотыш кондат. Тушто тыгак ешарен видеоэскерыме камере- влакым вераҥдыме. Икымше август марте пурымо верым ышташ решенийым луктыт. Ондакырак аллейыште «Шарнымаш пушеҥге» пу скульптурым вераҥдыме ыле. Тудым Йошкар-Ола гыч мастар Александр Васенин ыштен.- увертара мэрий.
Фото: Йошкар-Ола мэрий.
Фото: Йошкар-Ола мэрий.
