Йошкар-Олаште МАРНИИЯЛИ-н зданийжым олмыкташ тӱналыт
Йошкар-Олаште МАРНИИЯЛИ-н зданийжым олмыкташ тӱналыт. Кугыжаныш закупко сайтыште тидын нерен уверым вераҥдыме. Документ дене келшышын подрядчик тошто окна решёткам рончен налеш, окнам пластик окна дене вашталта, чиялтыме кӱртньӧ решёткам вераҥда. Пашам августышто тӱналаш палемдыме, а октябрьыште мучашлаш шонат. Контрактын акше кум миллионат 400 тӱжем теҥге. Кугыжаныш закупко сайтыште улшо документ почеш Йылмым, сылнымутым да историйым научно шымлыше Васильев лӱмеш марий институтышто тоштемше сетьым вашталташ, кӧргӧ отделкым, навесной фасадым ышташ палемдыме. Тӱҥ цельже- институтлан ончычсо архитектур формыжым арален коден, кызытсе жаплан келшыше тӱсым пуымаш. Тиде пашажым вес ийын шукташ тӱналыт.
Фото: Кугыжаныш закупко сайтысе документла гыч скрин.
Фото: Кугыжаныш закупко сайтысе документла гыч скрин.
