Звенигово районышто 106 меҥге корным олмыктеныт

Звенигово районышто 106 меҥге корным олмыктеныт
                Звенигово районышто 106 меҥге корным олмыктеныт. Тушто «Качестван лӱдыкшыдымӧ корно» калыкле проект кышкарыште паша чолган шукталтеш. Ик тӱн объектлан «Звенигово- Шолеҥер- Морко» автомобиль корно шотлалтеш. Тудым 2019-ше ийыштак олмыкташ тӱналме. Таче кечылан пӱтынь 85 меҥге гыч 72 уштышыжым олмыктымо. Тений Шолеҥер ден Керебеляк марте 41-ше гыч 54-ше меҥге марте ужашыште 13 меҥгат 300 метр кужытышто шолдыргышо асфальтым уэмдат. Пашан акше 167 миллион утла теҥгеш погына. Пашам «Автодор» подряд органиазций шукта. Корно шартышым тӧрлымӧ деч посна тиде ужашыште моло кӱлешан пашамат шуктат. Мутлан, Памаштӱр ял воктене Ӱшӱт эҥер гоч кӱварым капитально олмыктат, Красный Яр селаште 6-шо гыч 9-ше меҥге марте ужашыште тул волгыдым пуртат. Туштак вич меҥге утла кужыт тротуарым ыштат, «Чайка» сад-пакча воктене нылымше меҥгыште чарналтыш павильоным вераҥдат. Чылаже Звенигово районышто калыкле проект кышкарыште 107 меҥге наре кужыт регион кӱкшытан корным норматив марте тӧрлен шуктымо.
              Фото: Транспорт министерстве.

Прошлые выпуски