Йошкар-Олаште тӱвыра поянлыклан шотлалтше икымше номеран школым арален кодымо шотышто паша шукталтеш
Йошкар-Олаште тӱвыра поянлыклан шотлалтше икымше номеран школым арален кодымо шотышто паша шукталтеш. Марий Эл Правительствыште икымше школым олмыктымо шотышто совещаний эртен. Тиде школ олан историй ужашыштыже. Советский уремыште верланен. Школын зданийжым эше 1903-шо ийыштак чоҥымо. Тудо тӱвыра поянлыклан шотлалтеш. Южо конструкцийжым ик гана веле огыл аварийныйлан шотлымо, олмыктымо. Тений февральыште ик кабинетыште да икымше пачашыште пурымо верыште пырдыжын шелмыжым рашемдыме. Шымлымаш ончыктен: южо тӱҥ конструкцийже аварийный улеш. Республикым вуйлатыше шанче-проект документацийым ямдылаш да тӱвыра ден историй памятникым арален кодаш эн ончыч олмыктымо пашам шукташ кӱштен. Тидымат палемден: тӱвыра поянлыклан шотлалтше объект- влакым арален кодымо паша шуко оксам да посна тӱткышым йодеш.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
