Йошкар-Олаште да Параньга районышто очистной сооружений- влакым пужен ыштыме пашам 50 утла процентлан шуктымо

           Йошкар-Олаште да Параньга районышто очистной сооружений- влакым пужен ыштыме пашам 50 утла процентлан шуктымо. Марий Элым вуйлатыше Юрий Зайцев Россий Федерацийын Кугыжаныш Советшын субъект- влакын кугыжаныш кучем органыштын пашаштым виктарыме шотышто комиссийын пашаче группыжын да регионлам вияҥдыме шотышто Правительство комиссий Президиумын пырля эртарыме заседанийыштышт участвоватлен. Видеоконференций йӧн дене заседанийым Москон мэрже Сергей Собянин ден Российын чоҥымаш да илыме вер ден коммунал озанлык министрже Ирек Файзуллин эртареныт.
             Погынышо- влак субъектла кундемыште лӱдыкшыдымылыкым ыштыме, мобилизоватылме еҥ- влаклан да нунын ешыштлан социал полышым пуымо, калыкле проект- влакым шыҥдарыме йодышлам канашеныт. Марий Элыште правопорядкым ыштыме да ласкалыкым аралыме йодышым Юрий Зайцев шке контрольыштыжо куча. Калыкле проект- влак шотышто ойлаш гын, кугу объект- влакым чоҥымо паша чарнен ок шого. Тений кугу тӱткышым ЖКХ йодышлан ойырымо. «Юл эҥерым тазаҥдымаш» проект кышкарыште паша шукталтеш. Тений Йошкар-Ола ден Параньга посёлкышто очистной сооружений- влак пужен ышталтыт. Таче кечылан нуным 55 процентлан ямдылыме. Тенийлан ойырымо оксам тӱрыс кучылтмо.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски