Йошкар-Олаште Калык- влакын келшымаш пӧртышт лиеш

Россий Федерацийын правительствыже Йошкар-Олаште Калык- влакын келшымаш пӧртыштым чоҥаш оксам ойыра. Тидын шотышто келшыше пунчалым Элнан премьер- министрже Михаил Мишустин пеҥгыдемден. Чоҥымо пашалан Марий Эл 679 миллион теҥге субсидийым налеш. Тыгай решенийым Россий правительство председательын тылзе ончыч Марий Элыш толын кайымыж деч вара лукмо. Сентябрь мучашыште Михаил Мишустин ден Александр Евстифеевын вашлиймышт годым республикым социально-экономически вияҥдыме индивидуальный программым шыҥдарыме нерген ойленыт ыле. Марий Элым вуйлатыше тунам пелемден: республикыште калык- влак да конфессий- влак коклаште толерантный кыл вияҥын. Сандене Калык- влакын келшымаш пӧртыштым чоҥымо йодыш актуальный да шукертсек федерал кӱкшытыштат каҥашалтеш. Российын финанс министерствыжын увертарымыж почеш, республикылан оксан кӱлешлыкшым кум ияш бюджетышкыже тӧрлымашым пурташ проектым ыштыме годым шотыш налме. 2021-ше-2022-шо ийлан 600 миллионым ойыраш палемдыме, 2023-шо ийлан 77 миллион наре теҥгем. Окса «Тӱвырам вияҥдымаш» кугыжаныш программе кышкарыште ойырымо лиеш.

Прошлые выпуски