Йошкар-Олаште калыкле тӱвыра пӧрт почылтеш

Йошкар-Олаште калыкле тӱвыра пӧрт почылтеш
          Йошкар-Олаште капитально олмыктымо деч вара калыкле тӱвыра пӧрт почылтеш. Тудым Марий Элым вуйлатыше Юрий Зайцевын решенийже почеш олмыктымо. Тиде пашалан Правительствын пунчалже почеш 29 миллион утла теҥгем ойырымо ыле. Тӱҥ пашам мучашлыме. Лишыл жапыште усталык коллектив- влак тӱрысынек уэмдыме пӧлемлаште ышташ тӱҥалыт. Ятыр коллективше республикыште гына огыл, элна мучкат палыме улыт. Зданийыште коридорым, звукозапись студийым, гардеробым ачалыме, омса- вакым вашталтыме, электромонтаж пашам шуктымо, кабинетлам тӧрлат. Лишыл жапыште видеоэскерыме системым, пожар да оролышо системым ыштат, пырдыж фасадым капитально олмыктат. Марий Элым вуйлатыше калыкле тӱвыра пӧртым шке ончаш миен. Юрий Зайцевлан олмыктымо пӧлем- влакым ончыктеныт. Тушто Тамара Дмитриева лӱмеш «Эрвел марий», «Марий памаш», «Пеледыш», «Онар» ден «Солнышко» йоча ансамбль- влак мастарлыкым шуарат. Регионым вуйлатыше палемден: республикысе чыла артистат, тӱҥалше- влакат марий кундемын ойыртемалтше тӱвыражам аралыше улыт. Тиде уэмдыме вер мурымашым да куштымашым йӧратыше еҥ- влакым шупшын шогышо вер лиеш манын ӱшанем,- каласен тудо.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски