Марий Элыште кок республикыш газым пуртымо йодыш дене совещаний эртен.
Марий Элыште кок республикыш газым пуртымо йодыш дене совещаний эртен. Звенигово районышто газпуч-отвод ден «Кокшамары» газораспределительный станцийым чоҥымо йодышлан пӧлеклалтше совещаний лийын. Тушто «Газпром газификация», «Газпром трансгаз Нижний Новгород», «Газпром газораспределение Чебоксары», «Газпром газораспределение Йошкар-Ола» компаний- влакын еҥышт лийыныт. «Кокшамары» станций Марий Эл ден Чувашийысе 8 илемлан газым ситараш тӱҥалеш. Республикыштына Кокшамар, Уржумка да Юлъялыште 720 суртыш да Чувашийыште Северный, Пролетарский, Первомайский, Сосновка, Октябрьский посёлкылаште 1752 пӧрт ден пачерлаш газым пурташ йон лектеш. Кодшо ийын декабрьыште Чебоксар олан Юл эҥер деч тывел ужашыштыже вич посёлкылан газпучым чоҥен пытарыме. Марий Элыште кум газпучым чоҥаш палемдыме.
Фото: Газпром газораспределение Йошкар-Ола. МедиаПоток.
Фото: Газпром газораспределение Йошкар-Ола. МедиаПоток.
