Йошкар-Олаште опера сымыктышын Андрей Эшпай лӱмеш 5-ше фестивальже почылтын
Йошкар-Олаште Эрик Сапаев лӱмеш опера да балет театрыште Андрей Эшпай лӱмеш опера сымыктышын 5-ше фестивальже почылтын. Почмашын пале событийжылан у семын шындыме «Фигарон сӱанже» оперын премьерыже шотлалтын. Театрын тӱҥ режиссёржо Сергей Шепелев режиссёр-постановщик, вургем шотышто сӱретче да сценограф сомылым шуктен. Оперыште тӱҥ партий- влакым вӱдышӧ солист-шамыч – Фигаром Сергей Гарашкин, Фигарон оръеҥже-Сюзаннам Валерия Баландина, граф Альмавиван рольжым Александр Шейпак, графиня Розинан рольжым Майя Рийверс модыныт. Марий Элын тӱвыра илышыштыже фестиваль волгыдо событий лиеш.
Фото: Опера да балет театр.
Фото: Опера да балет театр.
