Йошкар-Олаште самырык еҥ-влакым да ӱдырым кырыме шотышто уголовный пашан вич фигурантшым рашемдыме

Йошкар-Олаште самырык еҥ-влакым да ӱдырым кырыме шотышто уголовный пашан вич фигурантшым рашемдыме
              Йошкар-Олаште самырык еҥ-влакым да ӱдырым кырыме шотышто уголовный пашан вич фигурантшым рашемдыме. Россий следствий комитетын Марий Элысе следствий виктемжын пашаеҥже-влак тиде уголовный пашам умбакыже шымлат. Рашемдыме почеш, 17-ше ноябрьын кум шагат йӱд гутлаште оласе ик каныме тӧнежыште самырык еҥ  вес рвезе дене кредалмашым тарватен. Тӱҥалше еҥ деке йолташыже- влак ушненыт рвезым уремыш луктыныт да умбакыже кыреныт. Тидым ужшо кок рвезе ден ӱдыр чараш пижыныт, но нунымат кыреныт. Вашпижмашым ужшо моло еҥ- влак чареныт. Ончыч кредалше кум еҥым рашемдыме да кучымо- Узбекистаныште шочшо- влак. Вара эше кок еҥым рашемдыме- Йошкар-Олаште илыше- влакым, нунат кыраш полшеныт, иктыже ийготыш шудымо улеш. Нылытшым петырыме, ийготыш шудымыжо шотышто мӧҥгысо арест йӧным кучылтмо.- увертара следствий виктемын пресс-службыжо.
         Фото: Российысе СК-н Марий Элысе СВ-же.

Прошлые выпуски