Александр Евстифеев регионлам вияҥдыме шотышто Правительство комиссийын заседанийыштыже лийын
Александр Евстифеев регионлам вияҥдыме шотышто Правительство комиссийын заседанийыштыже участвоватлен. Тудым Россий правительство председательын алмаштышыже Марат Хуснуллин видеоконференцкыл йӧн дене эртарен. Тушто корным чоҥымо пашам, субъектлаште илыме верым ыштен шуктымо показательыш шумо йодышым онченыт. Тений корным чоҥымо пашалан республике 408 миллион теҥгем кучылтын. Эксплуатацийыш 4 объектым пуртымо. Марий Турек районышто Дружино- Исмаил корным, Куженер районышто Коҥганур гыч Пекейсолаш, Советский районышто Кугу Починга ял деке, Шернур районышто Кугу Торешкӱвар ден Изи Торешкӱвар кокласе корным ыштыме. 10-шо декабрьлан 346 миллион теҥгем кучылтмо.
Тыгак Йошкар-Олаште Киров ден Строитель уремлам ушен шогышо магистраль чоҥалтеш. 2024-ше ий марте транспорт инфраструктуро объектым шыҥдараш 6 миллиардат 863 миллион утла теҥге кайышаш. Илыме верым ыштен шуктымо шотышто тенийлан Российын Минстройжо республикылан 363 тӱжем квадрат метрым палемден. Тенийсе 11 тылзыште 295 тӱжем квадрат метрым пашаш колтымо. Тидыже кодшо ийысе тыгаяк жап дене таҥастарымаште 100 утла процент лиеш.
Кызыт республикыште 93 шуко пачеран пӧрт чоҥалтеш. Тудын кумдыкшо 464 тӱжем квадрат метр.
Тыгак Йошкар-Олаште Киров ден Строитель уремлам ушен шогышо магистраль чоҥалтеш. 2024-ше ий марте транспорт инфраструктуро объектым шыҥдараш 6 миллиардат 863 миллион утла теҥге кайышаш. Илыме верым ыштен шуктымо шотышто тенийлан Российын Минстройжо республикылан 363 тӱжем квадрат метрым палемден. Тенийсе 11 тылзыште 295 тӱжем квадрат метрым пашаш колтымо. Тидыже кодшо ийысе тыгаяк жап дене таҥастарымаште 100 утла процент лиеш.
Кызыт республикыште 93 шуко пачеран пӧрт чоҥалтеш. Тудын кумдыкшо 464 тӱжем квадрат метр.
