Кугу Нурмо ялыш телым колым кучаш йӧратыше- влак погынат
У Торъял районысо Кугу Нурмо ялыште телым колым кучаш йӧратыше- влак погынат. Тушто мормышке дене колым кучымо шотышто Республикын кубокшо эрта. Эн сай колызо- влакым кок шагатат пеле шуйнышо кок тур деч вара рашемдат. Таҥасымашке Республикысе да мола кундем гычат районлан, олалан сборный командыштат ушнен кертыт. Сеҥыше- влакым личный зачётыштат палемдат. Тушко ушнашлан йодмашым Республикысе кол кучымо спорт федерацийыш пуыман. Палемдена: Нурма эҥерыште олаҥге, шереҥге, карп да нужгол илат.
