Йошкар-Олаште таче шарнымаш мероприятий- влак эртат

Йошкар-Олаште таче шарнымаш мероприятий- влак эртат
            Йошкар-Олаште таче шарнымаш мероприятий- влак эртат. Таче Российын воин чап кечыже палемдалтеш- милитарист Японийым сеҥыме кече да Кокымшо тӱнямбал сарын пытыме кечыже. Тыгак кумшо сентябрьыште- терроризм ваштареш кучедалме кече, Бесланысе трагический событий- влакым шарныме кече. Йошкар- Олаште нунын дене кылдалтше мероприятий- влак эртеныт. Тушто Марий Эл Кугыжаныш Погыным вуйлатыше Михаил Васютин, Йошкар-Ола ола округым вуйлатыше Лев Покровский, ола мэрын пашажым шуктышо Антон Трудинов, мэрын алмаштышыже-влак да оласе калык участвоватленыт. Погынышо- влак вуйым пыштыше –шамычым ик тат шып шоген шарналтеныт да Воин Чап монумент ден Курымашлык тул воктеке пеледыш аршашым пыштеныт.
            Йошкар-Олаште таче кастене «Шарнымаш сортам» чӱктат. Ленин лӱмеш тӱвыра полат ончылно виш площадкыште Бесланысе трагедийыште ӱмыр лугыч лийше- влакым шарныме лӱмеш «Шарнымаш сорта» чӱкталтеш. Икымше гыч кумшо сентябрь марте Беслан оласе калыклан да икымше номеран школышто заложникыш налме еҥ- влаклан кугу орланымашыш савырнен. Теракт годым 344 еҥ илыш дене чеверласен да 738 еҥ сусырген. Шарнымаш акций Терроризм дене кучедалмаште икоян улмо кечылан пӧлеклалтеш. Акций 19 шагатлан тӱҥалеш.
           Фото: Йошкар-Ола мэрий.

Прошлые выпуски