Юнго- влак «Паллада» лӱмлӧ фрегатыште эртыме практике деч вара мӧҥгӧ пӧртылыныт

Юнго- влак «Паллада» лӱмлӧ фрегатыште эртыме практике деч вара мӧҥгӧ пӧртылыныт
          Марий Эл гыч юнго- влак «Паллада» лӱмлӧ фрегатыште эртыме практике деч вара мӧҥгӧ пӧртылыныт. Козьмодемьянскысе «Паллада» парус клуб гыч ныл школьник да практикым вуйлатыше, клубын выпускникше, Юлтехын студентше Сергей Махнёв дене пырля фрегат дене Япон теҥызыште ик тылзе утла лийыныт. Рвезе- влак парус клубын, олаштын да республикын лӱмжым кӱшнӧ кученыт, чыла тергымашым достойно эртеныт, чыла зачётым отличнын сдатленыт. Республикым вуйлатыше лӱмеш «Паллада» тунемме да практике суднын капитанже Николай Зорченко деч тауштымашан серыш толын. Юнго- влак мӧҥгӧ куаныше, пеҥгыдемше, патырле лийын пӧртылыныт. Нуным ынде тунеммаш, спорт вучат.
           Фото: Андрей Желудкин.

Прошлые выпуски