Йошкар-Олаште шинчымаш кечын ДПС патруль ийготыш шудымо рвезым автомобиль руль воктене кучен
Йошкар-Олаште шинчымаш кечын ДПС патруль ийготыш шудымо рвезым автомобиль руль воктене кучен. Шкенан элыште ыштыме автомобиль йоҥылыш пижыктыме янда тонировкыжо дене шинчалан пернен. Тудым чарымеке автоинспектор- влак водительын 16 ияш улмыжым пален налыныт. Рашемын: транспортым техникумын студентше шке погымо оксаже дене ончычсо каныш кечылаште налын, ача-аважлан шижтарыде машина дене кудалышташ тӱналын. Шочмын тудо йолташыже деке линейкыш кудалын.
Подросткым полиций пӧлкаш конденыт. Тушкак ача-аважым ӱжыктеныт. Нарушитель шотышто водитель права деч посна, регистрироватлыдыме автомобиль дене кудалыштмылан, страховкым ыштыдымылан да тонировко правилым пудыртымылан административный материалым возеныт. Ача-аважланат ийготыш шудымым воспитатлымаште, ончымаште шке обязанностьым кӱлеш семын шуктыдымылан административный материалым тарватыме. Делам инготыш шудымо- влакын пашашт да праваштым аралыме шотышто комиссийыш колтат.- увертара кугыжаныш автоинспекций.
Фото: Марий Элысе ГАИ.
Подросткым полиций пӧлкаш конденыт. Тушкак ача-аважым ӱжыктеныт. Нарушитель шотышто водитель права деч посна, регистрироватлыдыме автомобиль дене кудалыштмылан, страховкым ыштыдымылан да тонировко правилым пудыртымылан административный материалым возеныт. Ача-аважланат ийготыш шудымым воспитатлымаште, ончымаште шке обязанностьым кӱлеш семын шуктыдымылан административный материалым тарватыме. Делам инготыш шудымо- влакын пашашт да праваштым аралыме шотышто комиссийыш колтат.- увертара кугыжаныш автоинспекций.
Фото: Марий Элысе ГАИ.
