Йошкар-Оласе аварийный пӧрт шотышто пашам Бастрыкин тӱткышыш налын
Йошкар-Оласе аварийный пӧрт шотышто пашам Бастрыкин тӱткышыш налын. Россий следствий комитетыш Йошкар-Оласе Жуковский уремысе шуко пачеран пӧртыштӧ илыше- влакын праваштым пудыртымо нерген вуйшиймаш пурен. 1957-ше ийыште чоҥымо пӧртым капитально олмыктымо огыл. Сандене таче тудо лӱдыкшӧ улеш: пырдыж ден перекытий- влак шаланат, подвалыште эре вӱд шинча, пачерлам пӱнышкӧ налеш, вӱдыжо, копшаҥге- влак пошат, телым теммература норматив марте кӱзен ок шу.
Пӧртым 2018-ше ийыште аварийныйлан шотлымо, но калыкым кусарыме нерген йодыш вер гыч ок тарване. Тӱрлӧ инстанцийыш возгалымашат лектышым ок пу. Россий следствий комитетым вуйлатыше Александр Бастрыкинын кӱштымыжӧ почеш Марий Элысе следствий виктемым вуйлатыше Александр Рычков уголовный пашам тарватышаш. Тудым шымылме пашам воедомствын рӱдӧ аппаратше терген шогаш тӱҥалеш.
Фото: Марий Элысе следствий виктем.
Пӧртым 2018-ше ийыште аварийныйлан шотлымо, но калыкым кусарыме нерген йодыш вер гыч ок тарване. Тӱрлӧ инстанцийыш возгалымашат лектышым ок пу. Россий следствий комитетым вуйлатыше Александр Бастрыкинын кӱштымыжӧ почеш Марий Элысе следствий виктемым вуйлатыше Александр Рычков уголовный пашам тарватышаш. Тудым шымылме пашам воедомствын рӱдӧ аппаратше терген шогаш тӱҥалеш.
Фото: Марий Элысе следствий виктем.
