Юбилейный посёлкышто храмлан негызым пыштеныт
Юбилейный посёлкышто храмлан негызым пыштеныт. Теҥгече Марий Элын да Йошкар-Олан митрополитше Иоанн Медведево районысо Юбилейный посёлкышто Юмын Аван «Кумыл тодылалтмаш» юмоҥаже лӱмеш храмлан тӱҥалтышым ыштыме шотышто чиным вуйлатен. Владыка храм негызысе кӱлан шнуй шӱлышым пуртен. Тушко шнуй вӱдым шыжыктен да елейым шӱралтен. Кӧргыш пыштен кодышаш грамотым лудын. Тушто шнуй Патриархын, вуйлатыше архиерейын лӱмжым ончыктымо, варажым храмым святитлыме годым престолыш могай мощым пыштен кодымо нерген возымо. Владыка грамотым капсулыш чыкен да тудым алтарь пырдыжын негызышкыже пыштен.
Фото: Михаил Майзель.
Фото: Михаил Майзель.
