Юл эҥерыште «Красноярск» сухогруз судно куаш вереш пижын

Юл эҥерыште «Красноярск» сухогруз судно куаш вереш пижын
Ончыгече Козьмодемьянск ола воктен Юл эҥерыште «Красноярск» сухогруз судно ийме корно гыч кораҥын да куаш вереш пижын. Угарман оласе «Академфлот-2» ушемын судныжо Татарстан гыч Вологда областьыш тӱжемат 800 утла тонн пырчым наҥгая улмаш. Происшествийлан кӧра эҥгекыш логалше уке. Нефтепродукт тыгак йоген лектын огыл, судно пудырген огыл, пырче йоген огыл. Тергыме почеш паша да каныме режимым пудыртымаш шотлалтеш. Капитанын судным виктарыше икымше полышкалышыже штурвал воктене нералтен колтен. Правам аралыше орган- влак тергымашым эртарат, прокуратура контролыш налын. Марий Элысе траснпорт прокуратура тыгак судоходствын лӱдыкшыдымлыкшӧ шотышто законодательствым шуктымым тергаш тӱналын.

Прошлые выпуски