Юрий Зайцев республикыште правопорядкым ыштыме шотышто координационный совещанийым эртарен
Юрий Зайцев республикыште правопорядкым ыштыме шотышто координационный совещанийым эртарен. Тушто правам аралыше орган, исполнительный кучем орган да верысе самоуправлений орган- влак коклаште закондымо миграций, йотэл еҥ- влакын шолып пашам ыштымышт ваштареш шогымо шотышто вашкылым вияҥдыме нерген ойленыт. Регионым вуйлатыше ушештарен: Россий Президентын Указше дене 2025-ше ий марте ямдылыме кугыжаныш миграций политикын Концепцийышкыже икмыняр вашталтышым пуртымо. Мутлан, миграций политикын тӱҥ корныжо деке йотэл еҥ- влакым тӱшкан пашаш налмашым кугемдымаш пура. Тыглай огыл общественно- политик сӱретым ончыде, кодшо ийын да теният мигрант- влак дене нимогай вучыдымо ситуаций, мутланен келшыдыме ваштареш шогымо акций, тӱшка порядкым пудыртымаш лийын огыл. Республикым вуйлатыше ешарен: палемдыме йодыш- влакым контрольышто кучаш кӱлеш.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
