Юрий Зайцев Россий Банкын регионысо пӧлкажым виктарыше Александр Волков дене вашлийын
Марий Элым вуйлатышын пашажым шуктышо Юрий Зайцев Россий Банкын регионысо пӧлкажым виктарыше Александр Волков дене вашлийын. Нуно вашкыл нерген мутланеныт. Тиддеч посна республикыште ипотека да потребитель кредитованийым вияҥдыме, финанс полышым тора, шагал еҥан, мияш йӧндымӧ кундемлашкат шуктымо, финанс полышын лӱдыкшыдымылыкшӧ нерген тема- влакымат ончен лектыныт. Александр Волков палемден: тора ял илемлаште финанс полышым банк подразделений да банкомат- влак деч посна пуымашын ончыкылыкшо уло. Кызыт южо полышым изи ялласе калык Почто пӧлкалаште налеш. Тыгак «кэшаут» йӧн шке вержым муэш. Тиде- кевытласе кассыште сатум налме годым банк карте гыч наличный оксам пуымо сервис. Виктарыше тыгак банк пӧлкан историйже нерген каласкален. Тудо шке пашажым 1922-шо ийын 1-ше ноябрь гыч тӱҥалын. Тиде кечын республикыште Госбанкын Марий конторыжым ыштыме.
Фото: Марий Элым вуйлатышын организаций да аналитик виктемже.
Фото: Марий Элым вуйлатышын организаций да аналитик виктемже.
