Кызыт мемнан боецна- влакым поддержатлыме деч кӱлешанрак задачына уке,- каласен Марий Элым вуйлатыше
Кызыт мемнан боецна- влакым поддержатлыме деч кӱлешанрак задачына уке,- каласен Марий Элым вуйлатыше Юрий Зайцев лӱмын эратрыме сар операцийын участникыштлан, Курск, Белгород, Луганск кундемласе калыклан погымо гуманитар полышым ончымыжо годым. Грузым боецна- влакын йодмышт почеш калык фронтын «Чылажат сеҥымашлан!» проектше кышкарыште погымо. Груз радамыште ныл тонн кочкыш продукт, ныл тонн шовын, тоннат пеле йӱлышӧ да шӱрымӧ материал, лу тӱжем флакон антисептик, 40 мешак вургем, 50 калай коҥга, 50 маскироватлыше сеть, 100 огнетушитель пуреныт. Тыгак миноискатель, компьютер технике, квадроцикл, ӱзгар- влак, чонымо материал улыт. Боец- влаклан 50 посна лӱман посылкым ямдылыме. Правительствын полшымыжо дене 20 тонн фурым да генераторым ойырымо. Юрий Зайцев палемден: республикысе калык, мер ушем, кугыжаныш организаций- влак гуманитар грузым погымаште участвоватлат. А Калык фронт ушен шогышо вий улеш. Мемнан кызыт боец- влаклан полшымо да сеҥымашым кондымо деч моло кӱлешан задачына уке. Вес вариант лийынат ок керт,- каласен Марий Элым вуйлатыше. Грузым чумырымаште 14-ше ракет дивизийын военнослужащий ден ешышт, «Ару ола» компаний, Чодыра дене пайдаланыше- влакын ушемышт, Курык марий, Оршанке, Шернур, Марий Турек, Морко районлан коллективышт, «Автоснабжений» компаний, Оласе ТОС-влак, республикын профсоюзшо, «Аван шӱмжӧ» волонтёр толкын, казначейство, УФСБ да моло ура чонан еҥ- влак тыршеныт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
