Марий Элыште промышленностьын кӱкшӧ технологиян отрасльже- влаклан квалификациян кадр- влакым ямдылаш чыла йӧным ыштыме
Марий Элыште промышленностьын кӱкшӧ технологиян отрасльже- влаклан квалификациян кадр- влакым ямдылаш чыла йӧным ыштыме. Россий правительстве председательын алмаштышыже Дмитрий Чернышенкон Марий Элыш толмыжо годым Марий университет негызеш индустриал партнёр- влакын чолган тыршымышт дене изи тӱшка дене производствым колташ кӱштымыжым шуктымо семын, теҥгече университетыш паша визитым ыштыме. Тушко Марий Эл правительстве вуйлатышын икымше алмаштышыже Дмитрий Троицкий, промышленность, экономически вияҥмаш да торговля министр Владимир Халюзин миеныт. Нуно Россий кӱшыл шинчымаш министерствын да «Технотех» ушем дене пырля печатный платым да специалист- влакым ямдылыме рӱдерым онченыт. Мийымын цельже- университет негызеш печатный платым изи тӱшка дене лукташ тӱналмым каҥашеныт. Делегаций тыгак Мландым тора гыч шымлыме бортовой радиолокаций комплексым лукмо аланыште инжиниринг рӱдерыш миен. Тудым шанче министерстве полшымо дене ыштыме. Туштат радиолокаций комплексым изин лукташ тӱҥалмым каҥашыме. Вашлиймашым мучашлыме семын университетын инноваций пашажым- «Геосар» геопорталжым ончыктымо.
Фото: Марий Элым вуйлатышын администрацийжын увер дене пашам ыштыше пӧлкаже.
