Запорожье гыч туныктышо- влак Марий Элысе коллегышт дене палыме лийыныт
Запорожье гыч туныктышо- влак Марий Элысе коллегышт дене палыме лийыныт. Запорожьесе Куйбышев район гыч туныктыш тӧнежлам вуйлтыше- влак марий кундемыш толыныт. Шефыш налме регион гыч туныктышо- влаклан шинчымаш турым Марий Элым вуйлатыше Юрий Зайцевын темлымашыже почеш ямдылыме. Делегацийын участникше- влак мемнан республикысе школлан опытышт дене палыме лийыт, оласе да ялысе школ- влакым кузе виктарымым ончат, коллегышт дене вашлийыт. Уна- влак Бауман лицей да Медведево районысо школлаште лийыныт.
Фото: Лариса Ревуцкаян ВК лаштыкше гыч.
Фото: Лариса Ревуцкаян ВК лаштыкше гыч.
