Значок- влак элнан историйже нерген каласкалат

                    Сергей Чавайн лӱмеш калыкле книгагудышто таче «Мый Совет Ушемыште шочынам: фалеристикын историйже» ончер почылтын. Тушто ныл ончер стеллажыште значок- влакын коллекцийыштым вераҥдыме. Нуным ончен СССР-ын историйжым пален налаш лиеш. Значок- влак Россий Империй жапыштат лийыныт. Но Совет Ушем жапыште тӱрлӧ палым ятыр лукташ тӱҥалме. Нуно кугу событий, пале дате, идеологий- Ленин, Социалистик символике, лозунг- влак, совет чоҥымо пашам чапландареныт- БАМ, ДнепроГЭС, Магнитка да молат. Космос теме кугу верым налын. Спорт, октябрёнок, пионер, комсомол значок- влак да шуко-шуко молат лийыныт. Коллекцийым тудын озаже Рево Царёв ончыкташ пуэн. Палашлан значок- влакым погымаш- фалеристике маналтеш, а тудым погышо еҥже- фалерист. Латин йылмысе фалера шомак гыч лектын. Тудо сарзе- влакын воин ойыртемыштым палдарыше кӱртньӧ сӧрастарымаш манмым ончыкта. Тышечынак- ончерын лӱмжӧ.
Фото: С.Г.Чавайн лӱмеш книгагудо

Прошлые выпуски