Таче- кугу пайрем - Российын кечыжым палемдена

Таче- кугу пайрем - Российын кечыжым палемдена
           Таче- кугу пайрем. 1990-шо ий гыч ме кажне ийын 12-шо июньышто ик эн кугу пайремым- Российын кечыжым палемдена. Лач ты кечын тудо Россий Федераций маналташ тӱналын. Символжылан кум тӱсан тисте шотлалтеш. Тиде кечын элнам чапландарыше ятыр мероприятий эрта. Элыштына 190 национальность ден этнический тӱшка ваш келшен илат. Нуным иктеш ушышо, кылым пеҥгыдемдыше пайрем кажнын чоныштыжо кугешнымаш кумылым ылыжта, Россий верч у куат дене шогаш тарата.
            Марий Элым вуйлатыше Юрий Зайцев Республикысе калыкым Российын кечыже дене саламла. Тиде пайрем эрыкын, национально чак чумырген шогымашын, шочмо элым йоратымашын, кугезына- влакым да элын историйжым пагалымашын символыштлан шотлалтеш. Российын Кугыжаныш суверенитетше нерген декларацийым лукмо кече деч вара эртыше ийлаште кугу вашталтыш лийын. Но тиде исторический документын негызшылан налме поянлык вашталтде кодын: тиде- политический ден экономический эрык, айдемын праваже ден чапше, гражданский тыныслык да сӧрасен илымаш. Российын пеледалтмыже да улан илышыже мемнан кокла гыч кажнына дене, тыршен пашам ыштымына, патриотизмна, шкенан элыште пиалан илыш дене илаш кумылан улмына дене пеш чак кылдалтеш. Чылаланда пеҥгыде тазалыкым, илышыште сайым гына да Шочмо элын пиалже лӱмеш у сеҥымашым тыланем,- ойлалтеш республикым вуйлатышын саламлымашыштыже.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски