100 утла еҥ шке парымже нерген пален налын
Йошкар-Олаште илыше 100 утла еҥ шке парымже нерген пален налын. Республикысе суд пристав- влак моло кундемласе коллегышт дене пырля «Шке парымет нерген пален нал» акцийым эртареныт. Тудын кышкарыште верысе калык ужалкалыме рӱдерлашке коштмышт годым суд пристав- исполнитель-влак деч парымышт нерген йодын кертыныт. Мобильный пункт- влак «Эко рынок», «Планета», «Лента» кевытлаште пашам ыштеныт. Моло ола ден районлаште акций кугу кевытлаште, автовокзал ден пазарлаште эртен. Тудо калыкын право да финанс шинчымашыжым нӧлталаш, увер лӱдыкшыдымылык правилым умылтарымашлан пӧлеклалтын. Мероприятийыш калык ушнен, шке лишыл еҥыштынат парымыштым тергеныт. Тыге 100 утла еҥ тергымашым эртен, икмынярыже парымжым верыштак петырен.
