Самара олаште 7-ше ноябрьын «Шарнымаш Парад» лиеш
Самара олаште 7-ше ноябрьын «Шарнымаш Парад» лиеш. Область Кугу Ачамланде сар жапыште СССР-ын шапаш рӱдӧ олаштыже- Куйбышевыште- 1941-ше ийын 7-ше ноябрьыште эртыше военный парадлан пӧлеклалтше Россий кӱкшытан «Шарнымаш Парад» патриотизм проектым эртараш ямдылалтеш. Тиде кечын Самарысе Куйбышев площадьыште Российысе кундемла гыч делегаций- влак дене пырля парад расчёт- влак торжественно ошкыл эртат. Мероприятийыште Марий Элынат делегацийже лиеш. Тиддеч посна 7-ше ноябрьыште Российысе военно- историй ушемын «Ончыкылыклан историй. Увер фронт» округысо историй да шинчымашым шарыше патриотизм форум лиеш. Форумын чыла площадкыже гыч вияш трансляцийым ямдылат. Икмыняр мероприятий 1941-ше ийысе военный парадлан пӧлеклалтын. Тудо СССР-ысе улыжат кум олаште эртен: Москошто, Куйбышевыште да Воронежыште. Шапаш рӱдӧ оласе парад эн кугу да шарнаш кодшо лийын.
Фото: скрин.
Фото: скрин.
