Медведевыште вакцинацийын мобильный пунктшо уэш пашам ышта
Медведевыште вакцинацийын мобильный пунктшо уэш пашам ышташ тӱҥалын. Тудо районысо рӱдӧ эмлыме вер деч пашам ышта. Тушто грипп да ковид чер ваштареш привикым шындат. Вакцинацийыш 9 гыч 13 шагат марте мияш лиеш. Пункт кажне кечын тӱрлӧ верыште калыкым вуча. Мутлан 8-ше числаште «Новый» ужалкалыме рӱдер воктене, 9-ше числан Юбилейный площадьыште, 11-ше ноябрьыште «Лента» ужалкалыме рӱдер воктене, 12-шо числаште уэш Юбилейный площадь, 14-ше ноябрьыште Полевой урем, 13 пӧрт дене, 15-ше ноябрьыште Мир уремысе 6-шо ден 10-шо пӧрт- влак коклаште. Моло кечыже нерген интернет лаштыкыште пален налаш лиеш. Пелен паспортым, полисым, ОМС ден СНИЛС-ым налман,- увертара «Вестник района» газет.
