Марий Элым вуйлатыше аварийный пӧртлаште илыше да тулык йоча- влаклан у пачерла деч сравочым кучыктен

             Марий Элым вуйлатыше аварийный пӧртлаште илыше да тулык йоча- влаклан у пачерла деч сравочым кучыктен. Шукерте огыл чоҥымо шуко пачеран пӧртыштӧ 66 еш йӧнан илыме верым налын. Тымарте нуно Волжск оласе аварийныйлан шотлалтше 20 пӧртыштӧ иленыт. Нунын деч посна 24 тулык йоча шке пачер деч сравочым налын. Марий Элым вуйлатыше Юрий Зайцев юлсер оласе калыкым куанле событий дене саламлен да палемден: тошто пӧртла гыч калыкым кусарымаш, аварийный илыме верым шагалемдымаш, тулык йоча- влаклан пачерым налын пуымаш- Марий Эл Правительствын ик эн ончылно шогышо задачыже. Тиде кӱлешан событий. У пӧртышко 194 еҥ илаш пура. Теҥгече эше ача-аван полышыжо деч посна кодшо 24 еҥ сравочым налын. Идалык мучаш марте эше 932 еҥым у пачерлаш кусарыман, 20 тулык йочалан пачерым пуыман. Кугу паша вуча,- каласен Юрий Зайцев.
             Фото: Марий Элым вуйлатышын организаций да аналитик виктемже.

Прошлые выпуски