2023-шо ийыште Республикысе туныктыш системыш 12 миллиард тенге оксам пыштыме

2023-шо ийыште Республикысе туныктыш системыш 12 миллиард тенге оксам пыштыме
            2023-шо ийыште Республикысе туныктыш системыш 12 миллиард тенге оксам пыштыме. Республикысе туныктыш да шанче министерстве коллегийын заседанийже лийын. Тушто кодшо ийысе пашам иктешлыме да тенийлан задаче- влакым рашемдыме. Мероприятийыште Марий Элым вуйлатыше Юрий Зайцев лийын. 2022-шо ий дене таҥастарымаште оксам кок миллиард утла теҥгелан шукырак ойырымо. Туныктыш министр Лариса Ревуцкая каласкален: Россий Президетын  кок тылзе гыч кум ияш марте да 3 гыч 7 ияш марте 34 тӱжем йочалан школ деч ончычсо шинчымашым 100 процентлан ситарыме шотышто майысе Указше- влакым тӱрыс шуктымо. Ешартыш верым ышташ манын кызыт кок тӱжемат 710 верлан ныл школ чоҥалтеш, кокытшо- Йошкар-Олаште. Школ- влакым капитально олмыктымо пашат шукталтеш. Тымарте 19 школым ачалыме. Лишыл кум ийыште эше 30 школым олмыкташ палемдыме. Тений ешартыш шинчымашым пуаш куд тӱжемат 336 верым ышташ палемдыме. Федерал кӱкшытыштӧ пилотдымо авиаций системым ямдылыме, ыштыме да пайдаланыме шотышто проектым шыҥдараш йодмашым сайлан шотлымо. Икымше сентябрь гыч педагог- влакын окладыштым 15 процентлан кугемдыме.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски