2024-ше ий мучаш марте Йошкар-Ола аэропортым кугу вашталтыш вуча

2024-ше ий мучаш марте Йошкар-Ола аэропортым кугу вашталтыш вуча
          2024-ше ий мучаш марте Йошкар-Ола аэропортым кугу вашталтыш вуча. Тудо утларак кумдыкан, сай паша качестван, утларак пассажирым обслуживатлыше лийшаш. Чоҥымо паша 204 тӱжем квадрат метр кумдыкышто шукталтеш, а шке терминалже куд тӱжем квадрат метр кумдыкан лиеш. Тыге тудо нал пачаш шукырак калыкым колтен кертеш. Тиддеч посна объект воктене вокзал площадь, тушко мийыме корно, шокшым, вӱдым ситараш чыла кӱлешан инженер сеть, быт да йӱрвӱд канализаций лийыт. Аэропорт кугурак самолёт- влакым шынден кертше манын, чоҥештен кӱзымӧ да волен шичме полосам 2023-шо 2024-ше ийлаште 300 метрлан кугемдаш лийме. Пужен ыштыме деч вара тудын кужытшо кок тӱжемат 701 метр, кумдыкшо 42 метр лиеш. Тыгак самолёт- влаклан шогымо вер, ий кылмен пижыме деч жидкость дене обрабатыватлыме площадкым ыштат. Чонештен кӱзымӧ да волен шичме площадкылан вич миллиарат 500 миллион теҥгем, терминалым чоҥаш ик миллиардат 500 миллион теҥгем кучылташ палемдыме.
       Фото: «Марийская правда».

Прошлые выпуски