Российын лидерже- влак- тиде кадрым таптыме апшаткудо…
Российын лидерже- влак- тиде кадрым таптыме апшаткудо- талантан, шонымашыш шуаш тыршыше, эллан пайдам кондаш шонышо пашаеҥ- влакым ямдылымаш. Тидын нерген Марий Элым вуйлатыше Юрий Зайцев 2019-ше 2020-шо ийлаште «Российын лидерже- влак» конкурсышто сеҥыше Ирина Кугуелова дене вашлиймаште каласен. Регионым вуйлатыше конкурсын кӱлешлыкшым, тиде тургымышто республикын чапшым аралыше вуйлатыше- влаклан у йӧн лиймым палемден. Мый вуйлатыше семын профессионал, чолга илыш позициян еҥ- влак шукырак лийышт манын шонем. Конкурсышто таҥасыме опытда, кызыт таҥасыше- влаклан палашлан сеҥымашыш шуаш мо кулеш- тидын нерген каласкаледа гын, сай ыле манын вуйлатыше. Ирина республикыште участник- влакым сайын поддержатлыме, участник да сеҥыше- влак дене тыгай вашлиймашым чӱчкыдынрак эртараш кӱлмӧ нерген ойлен. Кажне тургымышто республике гыч еҥ- влак федерал кӱкшытышто шкеныштым пеш сайын ончыктеныт. Мемнан кум финалист лийын, чыланат грамотный виктарыше улыт. Ик тургымыштыжо мый сеҥышыш лектынам. Республикым вуйлатыше сеҥыше- влак дене шке вашлиеш гын, тиде пеш кумылаҥдыше тат. Тиддеч посна моло ийлаште участвоватлыше- влакат опытышт дене палдарен кертыт.- каласен Ирина Кугуелова. Юрий зайцев тыгай тӱҥалтышым сайлан шотлен. «Российын лидерже- влак» конкурс республике верч тыршыше талантан, чолга ончыкылык вуйлатыше- влакым пален налаш полша, манын тудо. Нылымше апрельыште конкурсын визымше тургымжо тӱҥалын. Тачысе кечлан республике деч 235 еҥ ден тушко ушнаш йодмаш пуэн.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
