Йошкар-Олаште эрла Регион- влак кокласе кӱкшытан «Рубежи Победы» патриот марафон эрта
Йошкар-Олаште эрла Регион- влак кокласе кӱкшытан «Рубежи Победы» патриот марафон эрта. Участник- влакым поян программе вуча. Мутлан, Кугыжаныш архивыште «Аралыше рубеж- влакым чоҥымаш: Юл кундемын паша подвигше» регион-влак кокласе кӱкшытан шанче-практик конференций лиеш. Тудо Марий Эл, Чуваший, Татарстан, Мордовий, Угарман да Ульяновск областьла гыч шанчыеҥ, архив, тоштер, книгагудо специалистлам, краевед- шамычым чумыра. Эрик Сапаев лӱмеш опера да балет театрыште «Сурский рубеж» оперым ончыктат. Тудым Чуваш театр конда. Фойеште «Сеҥымшын рубежше- влак» ончер проектым презентоватлыме. Тудым Чуваш тоштерын, Евсеев лӱмеш марий тоштерын да Марий Элын Кугыжаныш архивше ямдыленыт. Регион- влак кокласе «Сеҥымашын рубежше- влак» патриот марафон 29-ше март годсек пашам ышта. Тудым Чуваш республикын тӱҥалтышыже почеш ыштыме. Мероприятий Чувашийыште, Татарстаныште, Башкортостаныште, Мордовийыште, Ульяновск ден Угарман областьлаште эртен.
Фото: Тӱвыра министерстве.
Фото: Тӱвыра министерстве.
