Сомбатхей микрорайонышто сурт вольыклан орымо чер ваштареш оксам тӱлыде вакцинацийым ыштат
Эрла Сомбатхей микрорайонышто сурт вольыклан орымо чер ваштареш оксам тӱлыде вакцинацийым ыштат. «Вольык чер дене кучедалше Йошкар-Оласе станцийын» специалист- влак бригадыже 13 гыч 16 шагат марте Петров урем дене Чавайн бульвар корнывожышто «Олимп» кевыт могырым дежуритлаш тӱҥалыт. Ветеринарий комитетыште умылтарат: вакцинаций марте кок арня ончыч вольыкын гельминт черыштым лукман, тий, пудий, шуршо ваштареш обработкым ыштыман. Глиста рашемеш гын, лу кече гыч уэш обработкым ыштыман. Шке йӧратыме сурт вольыкда, сурт янлыкда нерген шоналтыза да орымо чер ваштареш нунылан прививкым ышташ вашкыза.
Фото: Freepik.com
Фото: Freepik.com
