Марий Элым вуйлатыше пожар да утарыше у технике деч сравочым кучыктен

Марий Элым вуйлатыше пожар да утарыше у технике деч сравочым кучыктен
             Кодшо кечылаште Марий Элым вуйлатыше пожар да утарыше у технике деч сравочым кучыктен. Рушарнян Российыште пожар охраным ыштымылан 374 ий темын. Республикым вуйлатыше Юрий Зайцев подразделенийын пашаеҥже ден ветеранже- влакым профессионал пайрем дене саламлен да тул йӧртымӧ автоцистерне, автотошкалтыш да моло специализированный автомобильла деч сравочым кучыктен. Тиде лӱддымӧ, патыр, шке пашаштлан ӱшанле улшо еҥ- влакын пайремышт. Тул дене кучедалше- влак эн неле татыште эн ончыч толыт да службыштым кӱлеш семын шуктат. Таче мылам- пиал у автомобильла деч сравочым кучыкташ логалын. Кызытсе технике тул ваштареш кучедалаш да илышым арален кодаш моткоч кӱлешан,- каласен Юрий Зайцев. Марий Элым вуйлатыше Воскресенский паркыште «Пожарный да утарыше- влаклан» чапкӱ воктеке пеледышым пыштен, технике выставкым ончен, Пожар охранын кечыжлан пӧлеклалтше торжественный мероприятийыште лийын. Тыгак ойыртемалтше пашаеҥ- влаклан наградым кучыктен. Республикым вуйлатышын тауштымашыжым вич еҥлан увертарыме.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски