24 самырык еҥ икымше гана парашют дене тӧрштен

            24 самырык еҥ икымше гана парашют дене тӧрштен. Кокымшо ий почела Марий Элысе ДОСААФ пӧлка ден Йошкар-Оласе авиаций да спорт клуб самырык- влакым военно-патриотизм шӱлышеш шуарыме  «Авангард» рӱдерыш профилян сменыш толшо ӱдыр- рвезе- влаклан парашют дене тӧрштылаш йӧным ыштат. Тений 24 еҥ икымше гана парашют дене тӧрштен. Ончыч нунылан опытан инструктор инструктажым эртарен. а тиддеч ончыч нуно обязательно парашют- десант ямдылалтмашым, тренажёрлаште тунеммашым эртат. Тиде гана рвезе- влак Козьмодемьянскысе «Юный десантник», Медведево районысо «Великий князь Святослав», Морко районысо «Поиск» военно-патриот клубла гыч лийыныт. Нуно парашютистын удостоверенийжым налыныт.
          Фото: Спорт-туризм министерстве.

Прошлые выпуски