Юрий Зайцев Йошкар-Оласе «Интеграл» микрорайонысо ситуаций дене совещанийым эртарен
Марий Элым вуйлатышын сомылшым шуктышо Юрий Зайцев Йошкар-Оласе «Интеграл» микрорайонысо ситуаций дене совещанийым эртарен. Тудо палемден: йырюжын яндарлыкше шотышто калык деч шуко вуйшиймаш пура. Мый ӧрканыде шке тушко мийышым да верысе калык дене мутланышым. Тиддеч посна мылам эше икмыняр видеом колтеныт. Уремыште- йӱд, а тушто шикш деч посна эше ала-мо мӱгыра. Вич шагат эр гычак кӱым лукмо карьер семын йӱк шокта. Тиде сай огыл. Чын марте садак пургед шуам, кӧ чын, кӧ титакан садак рашемдена, - каласен Юрий Зайцев. Тыгак тудо пӱртӱс поянлык министр Алексей Киселёвым, мэр Евгений Масловым, Республикын прокуроржо Сергей Беляковым, Роспотребнадзор виктемым вуйлатыше Светлана Булатовам, пӱртӱсым аралыме шотышто прокурорын сомылжым шуктышо Сергей Валитовым колышт лектын. Кажныже йодышым виктараш мо ышталтме нерген ойлен.
Юрий зайцев микрорайон кундемысе предприятий- влакын озаштым рашемдаш, нунын пашашт устав документ дене келшен толмым рашемдаш, закондымын куштырам йӱлалтымышт годым озанлык субъект- влакым тергаш кӱштен. Тыгак Марий Элын прокуроржо Сергей Беляков ден пӱртӱсым аралыше прокурорын пашажым шуктышо Сергей Валитовым тиде пашашке ушнаш йодын. Вуйын шогышо еҥ- влаклан дежурный оперативный группым ышташ да отходым йӱлалтыме факт нерген да ыштыме мера нерген эре увертарен шогаш кӱштен. Тыгак экологийым саемдаш пушеҥгым шындаш, Строитель ден Машиностроитель урем корнывожышто машинан шуко чумыргымо йодышымат виктарен колташ кӱлеш манын.
Фото: Марий Элым вуйлатышын организаций да аналитик виктемже.
Юрий зайцев микрорайон кундемысе предприятий- влакын озаштым рашемдаш, нунын пашашт устав документ дене келшен толмым рашемдаш, закондымын куштырам йӱлалтымышт годым озанлык субъект- влакым тергаш кӱштен. Тыгак Марий Элын прокуроржо Сергей Беляков ден пӱртӱсым аралыше прокурорын пашажым шуктышо Сергей Валитовым тиде пашашке ушнаш йодын. Вуйын шогышо еҥ- влаклан дежурный оперативный группым ышташ да отходым йӱлалтыме факт нерген да ыштыме мера нерген эре увертарен шогаш кӱштен. Тыгак экологийым саемдаш пушеҥгым шындаш, Строитель ден Машиностроитель урем корнывожышто машинан шуко чумыргымо йодышымат виктарен колташ кӱлеш манын.
Фото: Марий Элым вуйлатышын организаций да аналитик виктемже.
