Йошкар-Олаште социал граффити ышталтын
Йошкар-Олаште социал граффити ышталтын. Йошкар-Оласе тӱҥ уремлаште йолешке вончем ончылно тротуарыште ГИБДД пашаеҥ- влак йочан праваже шотышто уполномоченный пеленысе йоча мер советын еҥже- влак дене пырля тӱрлӧ кӱлешан шижтарымашым возеныт. Нуным ужын йолешке- влак шкеныштын да пеленышт улшо еҥын лӱдыкшыдымылыкшӧ нерген шоналтышаш улыт. Мом возымо? «Йочам кидше гыч кучо», «Наушникетым кораҥде», «Йырым –йыр ончал», «Велосипед гыч воло»- чынжымак кӱлешан шижтарымаш- влак улыт. Палашлан: тений идалык тӱҥалтыш гыч йолешке- влакым транспорт 70 гана тӱкен. Тушечын кажне кокымшыжо- Йошкар-Олаште.
Фото: Марий Элысе МВД-н пропаганда да корно лӱдыкшыдымылык шотышто пӧлкаже.
Фото: Марий Элысе МВД-н пропаганда да корно лӱдыкшыдымылык шотышто пӧлкаже.
