Икымше сентябрьыште Параньга районышто уэмдыме школ почылтеш
Икымше сентябрьыште Параньга районышто уэмдыме школ почылтеш. Куянковысо Курмаш лӱмеш кыдалаш школышто уло куатын олмыктымо паша кая. Тудо 25-ше мартыште тӱҥалын да 28-ше августышто мучашлалтшаш. Таче кечылан 60 процент пашам шуктымо: чыла окнам вашталтыме, леведышым олмыктымо. Кызыт школын тӱжвал пырдыжшым, инженер сетьым, кӱварым олмыктымо паша мучашлалтеш. Кӧргӧ пӧлем- вакым чиялташ ямдылат, пищеблокым, спорт да актовый зал- влакым ачалат. Ик жапыштак у тунемме, пищеблоклан, кочмыверлан, медицина кабинетлан оборудований налалтеш.
Туныктыш министерствын фотожо.
Туныктыш министерствын фотожо.
