Марий Элым вуйлатышым сайлымашке вич кандидат лектын

           Марий Элым вуйлатышым сайлымашке вич кандидат лектын. Правительстве пӧртыштӧ Республикысе сайлыме комиссийым вуйлатыше Ирина Татаринова журналист- влак дене вашлийын. Мутланымашын темыже Марий Элым вуйлатышым сайлыме кампанийын икымше йыжыҥже- кандидат- влакым темлымаш- мучашлалтме нерген лийын. Чылаже вич еҥ документым пуэн. Нунын кокла гыч кокытшо шкем шке темлен, кумытшо- полит партий- влакын еҥышт. Шкем шке темлыше- влак: Республикым вуйлатышын сомылжым шуктышо Юрий Зайцев ден Памар амбулаторийын врач-терапевтше Василий Арисов. Партий деч кандидат- влак: Валентина Злобина- пенсионер-влакын партийже, Антон Мирбадалев- ЛДПР да Наталия Глущенко «Справедливый Россий» партий деч. Кызыт нуно 123 муниципал депутат деч подписьым погышаш улыт. А самовыдвиженец- влаклан эше сайлыше- влакын вич тӱжемат 320 подписьыштым чумырыман. Июль мучашыште документым республикысе рӱдӧ сайлыме комиссийыш пуышаш улыт, - каласен Ирина Татаринова.
        Фото: Марий Элысе ЦИК.

Прошлые выпуски