Санкций жапыште амалкалче ден ял озанлык сатум ыштен лукшо- влаклан полыш пуалтеш, - каласен Юрий Зайцев

           Санкций жапыште амалкалче ден ял озанлык сатум ыштен лукшо- влаклан полыш пуалтеш, - каласен Юрий Зайцев. Теҥгече Марий Элым вуйлатышын пашажым шуктышо Юл кундем округын Советшын заседанийыштыже лийын. Тудо Ижевскыште Полномочный представитель Игорь Комаровын вуйлатымыже почеш эртен. Докладым Российысе экономик министр Максим Решетников, тӱвыра министр Ольга Любимова, субъектлам вуйлатыше- влак ыштеныт. Игорь Комаровын мутшо почеш, граждан- влаклан пашаверым ситараш полшаш кӱлеш. Тыгак кызытсе жапыште калык тӱрлӧ полыш дене пайдаленен кертшаш, тӱрлӧ категорий еҥ- влаклан ешарен полышым пуыман. Регионлам вуйлатыше- влаклан бизнес да калыклан улшо кугыжаныш полыш нерген умылтарыме пашам вияҥдаш да лектын шогышо риск ден проблеме нерген чарныде уверым пуэн шогаш кулеш манын палемдыме.
             Марий Элыште тыгай паша шукертсек эртаралтеш. Лекше йодышым вашке виктарен колташ оперативный штаб пашам ышта. Тудым Юрий Зайцев вуйлата. Тиддеч посна экономикым ӱшанлын вияҥдаш комиссийым ыштыме да эн ончыч шуктышаш планым ямдылыме. Тудо промышленностьлан, агропромышленный комплекслан, изи да кыдалаш бизнеслан полшаш, паша рынкыште нелылыкым шагалемдаш, бюджетым радамлаш виктаралтын.
            Мутлан, агропромышленный комплекслан полшаш 52 кредит ойпидышым ик миллиардат пеле теҥгелан да 8 инвестиций кредитым 113 миллион утла тенгелан кылдыме. Системообразующий органиазций- влак кок кредит ойпидышым кок миллиард теҥгелан ыштеныт. Ял озанлык предприятий- влак 843 миллион теҥгелан 203 единице техникым налыныт. «Марий Элыште предпринимательствылан полшышо фонд» микрокредит организаций изи да кыдалаш предпринимательстве субъект- влаклан январь гыч 155 миллион теҥгелан 109 микрозаймым пуэн. Тыгак граждан да социал сферылан полыш пуалтеш. Тений чылаже 9 тӱжем еҥлан 57 миллион наре теҥгеаш полышым пуаш палемдыме. Икымше июньлан тудым кум тӱжем утла еҥ налын. Заседанийыште тыгак округышто «Тӱвыра» калыкле проектым шыҥдарыме нерген ойлымо.
             Фото: Марий Элым вуйлатышын организаций да аналитик виктемже.

Прошлые выпуски