90 миллион теҥгелан йоча лагерьын кок у корпусшым чоҥат

90 миллион теҥгелан йоча лагерьын кок у корпусшым чоҥат
             Марий Элыште 90 миллион теҥгелан йоча лагерьын кок у корпусшым чоҥат. «Пӱнчер» тунемме да тренироватлалтме базыште кок илыме корпус нӧлталтшаш. Проектын акше- 90 миллион теҥге. Документаций дене келшышын тиде типовой зданий огыл, а заводышто ямдылыме капитальный пу зданий- влак лийыт. Кажне корпусшо 520 квадрат метр кумдыкан лиеш да 50 марте йочалан келыштаралтеш. Кӧргыштыжӧ 13 малыме пӧлем, посна санузел, мероприятий- влаклан пӧлем, вургем мушмо вер, коштымо пӧлем да аралыме комнате лийшаш. Посна тӱткышым инженер системылан ойырат: корпуслаште посна ырыктыме, южтарыме, вӱдым ситарыме да электротул системым ыштат. Вик каласаш гын, лагерь кумдыкышто йоча- влаклан идалык мучко илаш йӧрышӧ кызытсе жаплан келшыше кок коттеджым чоҥат.
            Фото vk.com/club235740545

Прошлые выпуски