Марий Элыште агродрон- влакым шыҥдараш экосистемым ыштат
Марий Элыште агродрон- влакым шыҥдараш экосистемым ыштат. Республикысе ял озанлык да кочкыш сату министерствыште агропромышленный комплексыш пилотдымо авиаций системым шыҥдарымылан пӧлеклалтше стратегий паша вашлиймаш эртен. Каҥашымаште Ял озанлык министр Павел Раевский, агробизнесын еҥышт, шанчыеҥ- влак, туныктымо тӧнеж ден конструктор бюролан представительышт лийыныт. Вашлиймашын тӱн цельже- дрон- влакым шыҥдараш единый экосистемым ышташ паша планым ямдылымаш лийын. Планыш кадрым ямдылыме гыч тӱҥалын шанче шымлымаш да технологийым пасу пашаште кучылтмо марте сомыл пура. Участник- влак палемденыт- кызытсе БПЛА- влак – тиде агропромышленный комплексым цифровизироватлаш куатле инструмент улыт. Посна тӱткышым «БАС-лан кадр- влак» программылан ойырымо. Технологийым сайын шыҥдараш квалфикациян пилот, техник, аналитик- влакым чарныде ямдылен шогыман. Республикысе вуз ден техникум- влак тиде пашашке ушнаш ямде улыт, агросекторын йодмашыжым шукташ тунемме программым вашталтен кертыт.
Фото: info@eftgroup.ru
Фото: info@eftgroup.ru
