Йошкар-Олан икымше мэрже Олан историй тоштерже кузе ышталтме нерген каласкала

Йошкар-Олан икымше мэрже Олан историй тоштерже кузе ышталтме нерген каласкала
                Йошкар-Олан икымше мэрже Олан историй тоштерже кузе ышталтме нерген каласкала. Шушаш изарнян 12-шо февральыште Йошкар-Олаште оласе шуко палыше- влак клубын черетан заседанийже погына. Вашлиймашын темыже «Олан историй тоштержым ышташ тӱналме годым» йодыш дене кылдалтеш. Тений тоштерлан 30 ий теме. Тудым ыштыме нерген пунчалым 1996-шо ийын икымше февральыште пеҥгыдемдыме. Тиде жап гыч тудын историйже тӱналын. Официально 8 тылзе эртымеке почылтын- 30-шо сентябрьыште. Вашлиймашыште тоштерым негызлыше- влак нерген, коллекцийлам чумырымо да икымше экспонат- влак нерген, Йошкар-Олан историйжылан пӧлеклалтше икымше экспозицийым ямдылыме нерген каласкалат. Шке шарнымашыже дене олан икымше мэрже Вениамин Козлов, тоштерын икымше пашаеҥже- влак палдарат. Вашлиймаш 16 шагатлан тӱналеш, яра пуртат.
            Фото: Йошкар-Олан историй тоштерже

Прошлые выпуски