Адаптивный вургемым лукмо шотышто проект сеҥышыш лектын
Адаптивный вургемым лукмо шотышто проект «Ава-предприниматель» конкурсышто сеҥен. Конкурсын партнёржо Сбер лийын. Йошкар-Олаште конкурсын регионысо йыжыҥже мучашлалтын. Тудо шке пашам почаш шонышо ӱдырамаш- влаклан полшаш виктаралтын. «Самырык- влак полатыште» конкурсын участницыже- влак вич кече жапыште амалкалче аланыште тунеммашым эртеныт, эксперт- влак дене пырля проектыштым ыштен пытареныт да бизнес-кейсыштым лончыленыт. Проектын иктешлыше йыжыҥыштыже 27 ава шке бизнес-шонымашыжым ончыктен. Эскперт жюри проектын ончыкылыкшым, тудым кугемдаш лиймым, оксам кондымыжым аклен. Эн шуко баллым Анастасия Сироткинан тазалык шотышто чарымаш улман йоча да кугыеҥ- влаклын адаптивный вургемым ыштыме шотышто шонымашыже поген. Регионысо йыжыҥыште сеҥыше шке проектшым шыҥдараш 150 тӱжем теҥгем налеш да Москошто конкурсын федерал уджашыштыже регионым ончыкташ праван лиеш.
Фото: Сбербанк.
Фото: Сбербанк.
