Эше ик гана коронавирус нерген
Марий Элын вуйлатышыже Александр Евстифеев коронавирус ваштареш кучедалме шотышто Госсоветын пашаче погынымашкыже ушнен. Тудым Сергей Собянин эртарен. Погынымаште регионлаште ен-влакым Ковид-19 инфекцийлан кузе тергыме, тестированийым кумдаҥдыме, эпидемийым ончыде, промышленность да ял озанлык предприятий-влакым пашашке колтымо нерген йодыш-влакым каҥашеныт. Тыгак пашам ыштыше предприятий ден организацийлаште санитар да эпидемиологий режимым шуктымо нерген ойлалтын. Коронавирус инфекциян черле-влак дене пашам ыштыше медик-влаклан ешартыш окса полыш нергенат йодышым уэш тарватыме.
