Экологий шотышто сай регион- влакын рейтингыштын лидерже- влак коклаш Марий Элат пурен
Экологий шотышто сай регион- влакын рейтингыштын лидерже- влак коклаш Марий Элат пурен. Рейтингыште 2022-шо ийысе статистикым кучылтмо, рокын, вӱдын, южын амыргымыжым акленыт, куштыра дене пашам ыштымым онченыт. Утларак экологически арулан Марий Эл ден Адыгей, Пенза ден Орел область- влак шотлалтыныт. А теве Астрахань, Ростов, Моско, Курган, Челябинск, Иркутск, областьла, Забайкалье ден Краснояр край, Хакасий ден Бурятий экологий шотышто эн начар- влак спискыште улыт. Эксперт- влак Роспотребнадзорын, Росгидрометын, Росприроднадзорын, Минприродын кажне ийын ыштыме докладыштым, отчётыштым, данныйыштым кучылтыныт. Шкевуя чумырымо шӱк куштыра эн шуко Башкирийыште верештын, ару вӱд шотышто Калмыкийыште начар, эн лавыран вӱд Краснояр край ден Иркутск областьыште. Адакшым 2022-шо ийыште савыктыме рейтингыште Марий Эл экологий шотышто эн сай регион семын Кострома, Орел область да Севастополь ден Адыгей дене пырля палемдалтын ыле.
