Республикыштына оборонно-массовый да военно- патриот паша месячник почылтын
Республикыштына оборонно-массовый да военно- патриот паша месячник почылтын. Мероприятий Йошкар-Оласе Самырык- влак полатыште эртен. Тушто Марий Элым вуйлатыше Юрий Зайцев лийын. Торжественный ужаш деч ончыч Глава интерактив выставкым, вооруженийын образецше- влакым ончен лектын. Тудо палемден: самырык тукымым патриот шӱлышеш шуарымаш- кугыжаныш структурын, туныктышо организаций да мер ушем- влакын ик эн кӱлешан задачышт. Юрий Зайцев каласен: 2024-ше ийыште месячник Российысе пале историй дате- влаклан пӧлеклалтын: Лениградым блокаде деч утарымылан 80 ий, Афганистан гыч совет войскам лукмылан 35 ий теммылан да лӱмын эртарыме сар операцийын участникше- влаклан пӧлеклалтеш. Тек мемнан самырык тукымна мемнан геройна, Элнам аралыше боец- влакын чын примерышт негызеш шуаралтыт,- мучашлен Юрий Зайцев. Республике кӱкшытан месячник жапыште 50 утла тӱрлӧ мероприятий эртаралтеш: класс шагат, ветеран- влак дене вашлиймаш, патырлык урок, спорт да уш-акыл дене таҥасымаш, усталык конкурс, выставке ден экскурсий- влак лийыт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
